Ford AI-a həddindən artıq güvəndi və nəticədə köhnə təcrübənin yerini alqoritmlərin tuta bilmədiyini sərt şəkildə gördü. Şirkət keyfiyyət problemlərini düzəltmək üçün 350 təcrübəli mühəndisi yenidən işə cəlb etməli oldu.
Maraqlısı budur ki, bu geri dönüşdən sonra Ford 16 il ərzində ilk dəfə JD Power keyfiyyət reytinqində kütləvi bazar brendləri arasında birinci yerə yüksəldi.
AI niyə təcrübəli mühəndisin yerini tuta bilmədi?
Ford-un vehicle hardware engineering üzrə vitse-prezidenti Charles Poon jurnalistlərə bildirib ki, şirkət AI sistemlərini prosesə daxil etməklə yüksək keyfiyyəti qoruyacağını düşünürdü. Amma problem AI-ın “pis işləməsi” deyildi.
Əsas çatışmazlıq təcrübəli işçilərin illərlə topladığı biliklərin sistemlərə ötürülmədən şirkətdən ayrılması idi. Yəni AI kifayət qədər güclü məlumat və mühəndis mühakiməsi olmadan zəif qərarları daha da böyüdürdü.
Ford keyfiyyət boşluğunu bağlamaq üçün 350 təcrübəli mühəndisi yenidən işə götürdü, yeni mütəxəssislər cəlb etdi və ya daxildə irəli çəkdi.
350 mühəndis geri qayıtdı, AI isə yenidən öyrədildi
Bu mühəndislərin vəzifəsi sadəcə köhnə işlərinə qayıtmaq deyildi. Onlar gənc komandaları mentorluqla dəstəklədi, AI təlimi üçün istifadə olunan data axınlarını yenidən qurdu və avtomatlaşdırılmış sistemləri daha düzgün işləməyə hazırladı.
Ford həmçinin 40 nəfərlik xüsusi software quality assurance komandası yaratdı. Bundan əlavə, inkişaf prosesinin son mərhələlərində səhvləri tutmaq üçün 100 mindən çox AI dəstəkli avtomatlaşdırılmış test əlavə edildi.
Reytinqdə qalibiyyət var, amma xatırlatma dalğası da bitməyib
Bu addımlar Ford-u JD Power 2026 initial quality study araşdırmasında zirvəyə daşıdı. Reytinq avtomobil sahiblərinin ilk 90 gündə bildirdiyi problemlərə əsaslanır.
Ford 100 avtomobilə 152 problem göstəricisi ilə Nissan və Buick-i qabaqladı. F-150, Mustang və Super Duty modelləri isə ardıcıl ikinci il öz seqmentlərində ən yaxşı seçildi.
Amma bu uğur bütün problemləri silmir. Ford 2026-cı ildə ABŞ avtomobil istehsalçıları arasında recall sayına görə öndədir: indiyə qədər 51 geri çağırma elan edilib və bu, 11 milyondan çox avtomobili əhatə edir.
Bu hadisə bütün tech dünyası üçün xəbərdarlıqdır
Ford-un təcrübəsi AI transformasiyası yaşayan şirkətlər üçün vacib dərsdir. İnsan mühakiməsini prosesdən çox tez çıxarmaq, bəzən sistemi daha ağıllı yox, daha kor edə bilər.
CEO Jim Farley daha əvvəl AI-ın ABŞ-da ofis işçilərinin “yarısını” əvəz edə biləcəyini demişdi. Ancaq Ford-un öz keyfiyyət böhranı göstərir ki, AI təkbaşına illərlə formalaşan sənaye təcrübəsini avtomatik əvəz etmir.
Nəticə: Ford-un hekayəsi sübut edir ki, AI güclü alətdir, amma onu dəyərli edən hələ də düzgün data, təcrübəli insan və real mühəndis mühakiməsidir.